Тиімді претензиялық-талап қою жұмысы

Бағдарлама

1-күн

Талап қою өндірісі, істі бірінші сатыдағы сотта қарау

• Талап қою талаптарының нысаны мен көлемін анықтау, қарсы талап қою тәуекелдерін анықтау, сот процесін бастаудың орындылығын анықтау
• Талап қоюға пікір, оның мазмұны, ресімделуі және ұсынылуы
• Қарсы талап қою және оны соттың қабылдау шарттары

Практика: кейстер негізінде аудиториямен жұмыс

• Талап қоюды қамтамасыз ету шаралары, талап қоюды қамтамасыз ету туралы өтініш беруге дейінгі ұсынылатын әрекеттер, қамтамасыз ету шараларын қолданудан бас тарту туралы ұйғарымға шағым жасау
• Талап қоюдың негізін немесе нысанасын өзгертудің, талап қоюдан бас тартудың, талапты мойындау мен бітімгершілік келісімнің процестік салдары

Практика: кейстер негізінде аудиториямен жұмыс

• Іске қатысушы тұлғалар және олардың процестік құқықтарының көлемі, дербес талап қоятын және қоймайтын тараптар

Практика: кейстер негізінде аудиториямен жұмыс

Азаматтық сот ісін жүргізудегі дәлелдемелер мен дәлелдеу

• Азаматтық процестегі дәлелдемелер ұғымы. Дәлелдемелердің заңды күші және оларды қатыстылығы, жол берілуі және дұрыстығы тұрғысынан бағалау
• Дәлелдеу міндеті, сот дәлелдеуінің нысанасы мен элементтері
• Дәлелдеме ретінде жол берілмейтін нақты деректер және дәлелдеуге жатпайтын фактілер. Соттың дәлелдемелерді қабылдауына қарсылық білдіру

Практика: кейстер негізінде аудиториямен жұмыс

• Дәлелдемелердің жекелеген түрлерін зерттеу және бағалау
• Куәгерлердің жауаптары, жазбаша дәлелдемелер (оның ішінде электрондық хабарламалар/хаттар), сарапшылар мен мамандардың қорытындылары

Сот талқылауы. Сот актілеріне шағым жасау, жаңадан анықталған мән-жайлар бойынша қайта қарау

• Сот талқылауы, оның кезеңдері мен рәсімдері, сот жарыссөздері
• Апелляциялық шағым жасау, сот актілерінің жекелеген түрлеріне апелляциялық тәртіппен шағым жасау ерекшеліктері, апелляциялық шағымның мазмұны мен беру тәртібі, апелляциялық шағымға пікір беру, апелляциялық сатыдағы сотта қосымша дәлелдемелерді ұсынудағы шектеулер
• Заңды күшіне енген сот актілеріне шағым жасау (кассациялық және қадағалау сот сатылары); кассациялық және қадағалау шағымдарының мазмұны мен беру тәртібі

Практика: ҚР Жоғарғы Сотының нормативтік қаулыларын зерттеу

• Жаңадан анықталған мән-жайлар бойынша сот актілерін қайта қарау, қайта қарау шарттары мен тәртібі

2-күн

Азаматтық, шаруашылық (экономикалық) дауларды қараудың балама нысандары. Медиация

Дауларды баламалы шешу: жүйесі мен қағидаттары

• Дауларды баламалы шешу ұғымы, нысанасы және жүйесі. Дауларды баламалы шешу қағидаттары. Дауларды баламалы шешу әдістері (нысандары): олардың алуан түрлілігі және қысқаша сипаттамасы. Дауларды баламалы шешудің артықшылықтары мен кемшіліктері. Сот жүйесі және дауларды баламалы шешу
• Медиацияның дауларды баламалы шешу әдісі ретіндегі тарихы. Медиация ұғымы мен қағидаттары. Делдалдық пен медиация. «Жанжал», «жанжалтану» және «медиация» ұғымдарының арақатынасы. Медиацияның негізгі қағидаттары. Медиациядағы әртүрлі тәсілдер. Дауларды шешудің басқа баламалы тәсілдеріне қатысты артықшылықтары мен кемшіліктері
• Медиация рәсімінің табыстылығына әсер ететін факторлар. Медиация құралдары, олардың түрлері мен маңызы. Медиация рәсімінде жекелеген құралдарды қолданудың орындылығы. Медиациядағы қабылдау мен коммуникация

Медиатор және медиация рәсімі

• Медиаторға қойылатын талаптар. Медиация рәсіміндегі медиатордың рөлі мен функциялары. Медиатордың кәсіби этикасы. Медиатор жұмысын ұйымдастыру. Медиациядағы әртүрлі мектептер мен тәсілдер. Түсінушілік тәсіл
• Тараптардың медиаторға жүгінуі. Медиаторды таңдау. Дауды медиация рәсімі арқылы қарау мүмкіндігінің өлшемдері. Тараптардың осы дауын медиация рәсімі арқылы реттеу мүмкіндігін анықтау. Медиация рәсімін жүргізу ережелері. Дауды медиация рәсімі арқылы реттеу туралы келісім жасау

Медиация рәсімі. Медиация рәсімінің әрбір кезеңіндегі (фазасындағы) медиатордың мақсаттары мен міндеттері

• Медиация рәсімі және оның құрылымы. Медиациядағы құрылымның маңызы. Мамандардың уағдаластықтарды іске асыруға қатысты тәсілдері, оларды орындауды және жұмысын бақылау. Медиативтік келісімге қол қою
• Медиациядағы келіссөздер нәтижесін бағалау өлшемдері. Тараптардың дауды реттеу туралы келісімі және оның бітімгершілік келісім мен сот шешіміне қатынасы. Дауды реттеу туралы келісімнің құқықтық табиғаты. Дауды реттеу туралы келісімді орындау. Дауды реттеу туралы келісімді соттың бекітуі

Медиациядағы ақпарат

• Медиациядағы ақпараттың маңызы. Ақпарат беру мақсаттары мен тәсілдері. Медиациядағы ақпарат деңгейлері. Позитивті коммуникация мүмкіндіктері. Фактілерді объективтендіру тәсілдері. Ақпарат алу және нақтылау тәсілдері
• Медиациядағы қабылдау. Шындықтар. Мүдделер. Қажеттіліктер
• Тараптардың мүдделерімен жұмыс. «Орталық» мәселе ұғымы. Позициялық ойлау. Қажеттіліктер иерархиясы
• Тараптардың өкілдерін, сарапшыларды және басқа тұлғаларды медиация рәсіміне қатысуға тарту. Тараптар өкілдерінің медиацияға қатысуы және олардың мәртебесі. Медиация рәсіміне психологтардың, заңгерлердің, сарапшылардың және т.б. қатысу қажеттілігін және олардың мәртебесін анықтау