Raychem кабельдік арматурасын монтаждау: 220 кВ дейінгі кернеулі қағаз сіңірілген оқшаулаумен (ҚСО) және тігілген полиэтиленді оқшаулаумен (ТПО) кабельдерге арналған соңғы, қосқыш және штекерлік муфталар

Ұзақтығы 3 күн (Тренинг 1,5 күндік теориялық бөлімнен және 1,5 күндік практикалық бөлімнен тұрады)

Тренер — TE Connectivity (Raychem) техникалық қолдау маманы

Құнға мыналар кіреді:

— IBA сертификаттары/TE Connectivity Energy RAYCHEM сертификаты
— Құнға оқыту нәтижесі бойынша Тапсырыс берушінің меншігінде қалатын құрал-саймандар кіреді. Монтаждалған кабельдік муфталар мен оқу құралдары да Тапсырыс берушіде үлгі ретінде қалады

Бағдарлама Raychem кабельдік арматурасын монтаждайтын, пайдаланатын және оған қызмет көрсететін мамандарға арналған. Оқыту теориялық дайындық пен практикалық сабақтарды үйлестіреді, бұл қатысушыларға қажетті білім алуға және оны сертификатталған нұсқаушының басшылығымен практикада бекітуге мүмкіндік береді.

Курс аясында мыналар қарастырылады:

— Raychem кабельдік арматурасының мақсаты, құрылысы және қолданылу саласы;
— монтаждау, пайдалану, техникалық қызмет көрсету және жөндеуге қойылатын талаптар;
— қосқыш, соңғы және штекерлік муфталарды монтаждау технологиясы;
— монтаждау жұмыстарын орындау кезіндегі типтік қателер және оларды болдырмау тәсілдері;
— оқу үлгілерінде монтаждау дағдыларын практикалық пысықтау.

Оқыту практикалық жұмыстарды орындауға қажетті барлық жабдықпен және материалдармен жарақталған заманауи техникалық орталық базасында өткізіледі.

Оқыту қорытындысы бойынша қатысушылар екі сертификат алады:

— сертификат International Business Academy;
— жеке тіркеу нөмірі берілетін және аккредиттелген кабельшілердің халықаралық дерекқорына мәліметтер енгізілетін халықаралық сертификат TE Connectivity Energy Raychem.

TE Connectivity Energy Raychem сертификаты оқытуды төлеген ұйымға байланыстырылып беріледі. Маман басқа жұмыс берушіге ауысқан жағдайда, өндіруші талаптарына сәйкес осы сертификаттың қолданысы тоқтатылады.